Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало




Скачать 273,84 Kb.
НазваниеСвятому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало
Дата публикации01.04.2013
Размер273,84 Kb.
ТипДокументы
pochit.ru > Литература > Документы

АКАФИСТ

(для келейного чтения)

Святому Блаженному Павлу Таганрогскому

(составлен в Ростове на Дону в 2002 году)

ОБЩЕЕ ДЛЯ ВСЕХ КАНОНОВ И АКАФИСТОВ НАЧАЛО:

Боже, милостив буди мне грешному (поклон).

Боже, очисти грехи моя и помилуй мя (поклон).

Создавый мя, Господи, помилуй мя (поклон).

Без числа согреших, Господи, прости мя (поклон).

Владычице моя, Пресвятая Богородице, спаси мя грешного (поклон).

Ангеле Хранителю мой святый, от всякаго зла сохрани мя (поклон).

Святый Блаженный Отче Павле, моли Бога о мне (поклон).

Молитвами святых отец наших, Господи Иисусе Христе, Боже наш, помилуй нас. Аминь.

Слава Тебе, Боже наш, слава Тебе.

МОЛИТВА СВЯТОМУ ДУХУ

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

ТРИСВЯТОЕ

Святый Боже, Святый Крепкий, Святый Безсмертный, помилуй нас (читается трижды с крестным знамением и поясным поклоном).

Слава Отцу и Сыну и Святому Духу, и ныне и присно и во веки веков. Аминь.

МОЛИТВА КО ПРЕСВЯТЕЙ ТРОИЦЕ

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

МОЛИТВА ГОСПОДНЯ

Отче наш, Иже еси на небесех! Да святится имя Твое, да при-идет Царствие Твое, да будет воля Твоя, яко на небеси и на земли.

Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукавого.

Господи, помилуй (двенадцать раз).

Слава Отцу и Сыну и Святому Духу, и ныне и присно и во веки веков. Аминь.

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу.

Приидите, поклонимся и припадем, Самому Христу, Цареви и Богу нашему.

ПСАЛОМ 50

Помилуй мя, Боже, по велицей милости Твоей и по множеству щедрот Твоих очисти беззаконие мое. Наипаче омый мя от беззакония моего и от греха моего очисти мя: яко беззаконие мое аз знаю и грех мой предо мною есть выну. Тебе Единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом и очищуся; омыеши мя и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

СИМВОЛ ВЕРЫ

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день, по Писанием. И восшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном споклоняема и сславима, глаголавшаго пророки. Во Едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых и жизни будущаго века. Аминь.

СВЯТОМУ БЛАЖЕННОМУ ПАВЛУ ТАГАНРОГСКОМУ ЧУДОТВОРЦУ:

Тропарь, глас 8:

ВЫШНИЯ КРАСОТЫ ЖЕЛАЯ, НИЖНИЯ СЛАСТИ ТЕЛЕСНЫЯ ДАЛЕЧЕ ОТ СЕБЕ ОТГНАЛ ЕСИ И В КЕЛИИ УБОЗЕЙ ПРЕБЫВАЮЩИ, АНГЕЛЬСКОЕ ЖИТИЕ ПРЕПРОВОЖДАЛ ЕСИ, СТАРЧЕ ПАВЛЕ БЛАЖЕННЕ, МОЛИ ХРИСТА БОГА СПАСТИСЯ ДУШАМ НАШИМ.

Тропарь, глас 5:

ОТ ЮНОСТИ, ПРЕМУДРЕ, ПРИЛЕЖНО ПОДВИЗАВСЯ, ОТ БОГА НАСТАВЛЯЕМЬ, ОТЕЧЕСТВО СВОЕ ОСТАВЛЬ, ГРАД ЧЕРНИГОВ, И В ПРЕДЕЛЫ ТАГАНРОГСКИЯ ПРИШЕД, В КЕЛИИ УБОЗЕЙ ВСЕЛИСЯ, БУЙСТВОМ ЮРОДСТВА ПОСРАМИ ПРЕМУДРОСТЬ МИРА СЕГО, О ЧАДЕХ ЖЕ ТВОИХ ДУХОВНЫХ НЕПРЕСТАННО БОЛЕЗНУЯ, И БЛАГОЧЕСТИЮ ТЕХ УСЕРДНО НАСТАВЛЯЯ, ЖИТИЯ ТВОЕГО ЦЕЛОМУДРИЕМ СО АНГЕЛЬСКИМИ ЛИКИ СОВОКУПИСЯ, БОГОМУДРЕ СТАРЧЕ ПАВЛЕ, С НИМИЖЕ ХРИСТА БОГА МОЛИ СПАСТИСЯ ДУШАМ НАШИМ.

Кондак, глас 8:

ПОХВАЛЬНЫЕ НЫНЕ ПРИНЕСЕМ ГЛАГОЛЫ ВЗБРАННОМУ И КРЕПКОМУ СТОЛПУ ХРИСТОВУ, ИЖЕ ОТ ХРИСТА ДАР ЧУДЕС ПРИЯЛ ЕСИ, ТЫ ЖЕ СВЯТЧЕ БОЖИЙ, ИМЕЯ ДЕРЗНОВЕНИЕ КО ПРЕСВЯТЕЙ ТРОИЦЕ, МОЛИ ИЗБАВИТИСЯ ОТ БЕД ЧАДОМ ТВОИМ, ДА ЗОВЕМ ТИ, РАДУЙСЯ БЛАЖЕННЕ СТАРЧЕ ПАВЛЕ.

Кондак, глас 6:

ИЖЕ ВО ЮРОДСТВЕ ХРИСТА РАДИ УСЕДНО ПОДВИЗАВСЯ, В СЕДИНАХ ДОБЛИХ ДЕТСКУЮ ПРОСТОТУ И КРОТОСТЬ ЯВИВ, КЛЕВЕТЫ ЧЕЛОВЕК БЕЗЗАКОННЫХ ПРЕТЕРПЕЛ ЕСИ, И ПОСТНИЧЕСКИМ ЖИТИЕМ И БДЕНИЕМ НЕБЕСНАЯ ДАРОРВАНИЯ ПРИЯЛ ЕСИ, БАЖЕННЕ ПАВЛЕ, МОЛИТВАМИ ТВОИМИ НЕ ОСТАВИ ЧАД ТВОИХ, ЯКОЖЕ ОБЕЩАЛСЯ ЕСИ.

НА ОБРЕТЕНИЕ МОЩЕЙ СВЯТАГО БЛАЖЕННАГО ПАВЛА:

Тропарь, глас 3:

ЯКО СОКРОВИЩЕ ПРЕБОГАТОЕ, ОТ МНОГ ЛЕТ СОКРОВЕННЫ ЧЕСТНЫЯ МОЩИ ТВОЯ ОБРЕТОШАСЯ, ЧУДЕСА ИСТОЧАЮЩИЯ, СТАРЧЕ ПАВЛЕ БЛАЖЕННЕ, ОТ НИХЖЕ ИСЦЕЛЕНИЯ ПРИЕМЛЮЩЕ, РАДОСТНО ХРИСТА ПРОСЛАВЛЯЕМ, ГЛАГОЛЮЩЕ: СЛАВА ТЕБЕ БОГУ НАШЕМУ, ПРОСЛАВЛЯЮЩЕМУ СВЯТЫЯ СВОЯ.

Тропарь, глас 8:

ДНЕСЬ ВСЯКАЯ ДУША ВЕРНЫХ ВЕСЕЛИТСЯ, ПОЧИТАЮЩИ ОБРЕТЕНИЕ ЧЕСТНЫХ МОЩЕЙ ТВОИХ, СТАРЧЕ БЛАЖЕННЕ: ЯКО СЛЕПЫЯ ПРОСВЕЩАЕШИ, НЕМЫМ УСТА ОТВЕРЗАЕШИ И ПЕЧАЛЬНЫЯ УТЕШАЕШИ, ПРИЯЛ БО ЕСИ ОТ ХРИСТА БОГА БЛАГОДАТЬ ИСЦЕЛЕНИЙ, ТЕМЖЕ ВОПИЕМ ТИ: МОЛИСЯ О ДУШАХ НАШИХ.

Тропарь (общий блаженным):

ГЛАС АПОСТОЛА ТВОЕГО ПАВЛА УСЛЫШАВ ГЛАГОЛЮЩ: МЫ ЮРОДИ ХРИСТА РАДИ, РАБ ТВОЙ ХРИСТЕ БОЖЕ, СТАРЕЦ ПАВЕЛ, ЮРОД БЫСТЬ НА ЗЕМЛИ ТЕБЕ РАДИ. ТЕМЖЕ, ПАМЯТЬ ЕГО ПОЧИТАЮЩЕ, ТЕБЕ МОЛИМ, ГОСПОДИ, СПАСИ ДУШИ НАША.

Тропарь (общий донским святым):

АНГЕЛЬСКИ НА ЗЕМЛИ ПОЖИВШИХ И СО АНГЕЛЬСКИМИ ЧИНМИ НА НЕБЕСИ НЫНЕ СВЕТЛО ЛИКУЮЩИХ СВЯТЫХ, В ДОНСКИХ ПЕРЕДЕЛАХ ПРОСИЯВШИХ, ПЕСНМИ ПОЧТИМ: РАДУЙСЯ, БЛАЖЕННЫЙ СТАРЧЕ ПАВЛЕ, ГРАДА ТАГАНРОГА ПОХВАЛО И УКРАШЕНИЕ, ТЫ БО МОЛИШИ О НАС ПРЕВЕЧНАГО БОГА.

Тропарь, глас 4:

ОТЕЧЕСТВА НЕБЕСНАГО ВЗЫСКУЯ, ДОМ РОДИТЕЛЕЙ ТВОИХ ОСТАВИЛ ЕСИ. ТЛЕННОЕ БОГАТСТВО МИРА ПРЕЗРЕВ, ОБОГАТИЛСЯ ОТ ГОСПОДА МНОГИМИ ЧУДЕСЫ И ЗНАМЕНЬМИ. ВОЗДЕРЖАНИЕМ, ТРУДЫ И МОЛИТВОЮ НАСЛАДИЛСЯ ЕСИ, ОБРАЗ ЖИТИЯ БЛАГОЧЕСТИВАГО ЯВЛЯЯ. ТЕМЖЕ И НЫНЕ С ВЕРОЮ ПРИХОДЯЩИМ К ТЕБЕ ВО ВСЯЦЕХ НАПАСТЕХ ПОМОГАЕШИ. БЛАЖЕННЕ ОТЧЕ ПАВЛЕ, МОЛИ ХРИСТА БОГА СПАСТИСЯ ДУШАМ НАШИМ.

Кондак, глас 3:

ВОЗСИЯ, ГОСПОДИ, ГРАДУ ТВОЕМУ ТАГАНРОГУ, ЯКО СВЕТОЗАРНОЕ СОЛНЦЕ УГОДНИК ТВОЙ ПАВЕЛ, РАДОСТНО ВСЕЛЕННУЮ ОЗАРЯЯ СВОИМИ ЧУДЕСЫ, И ПРИХОДЯЩИХ С ВЕРОЮ КО ГРОБУ ЕГО СВЯТОМУ: ТАКО МОЛИТВАМИ ПРЕЧИСТЫЯ ВЛАДЫЧИЦЫ НАШЕЯ БОГОРОДИЦЫ ОТ БЕД ВСЕХ НАС ИЗБАВИ И ГРЕХОВ ОСТАВЛЕНИЕ ПОДАЖДЬ, ЯКО МЫ, ЛЮДИЕ ТВОИ, ГОСПОДИ, И ГРАД НАШ И СТРАНА ВЕЛЬМИ ТОБОЮ ХВАЛИТСЯ, И СПАСЕТСЯ МОЛИТВАМИ БЛАЖЕННАГО СТАРЦА ПАВЛА.

Кондак, глас 3:

ДНЕСЬ СВЕТЛО ЛИКУЕТ ГРАД ТАГАНРОГ, ЯКО МНОЖЕСТВО СКОРБЯЩИХ ОБРЕТАЮТ УТЕШЕНИЕ, НА ТВОЯ МОЛИТВЫ НАДЕЮЩЕСЯ, ПАВЛЕ ВСЕБЛАЖЕННЕ, ТЫ БО ЕСИ ГРАДУ СЕМУ ПОХВАЛА И УТВЕРЖДЕНИЕ.

Кондак, глас 4:

ДНЕСЬ ГРАД ТАГАНРОГ ВЕСЕЛИТСЯ, СОЗЫВАЯ ВСЯ ВЕРНЫЯ СВЕТЛО ПРАЗДНОВАТИ ПАМЯТЬ ТВОЮ, СВЯТЫЙ БЛАЖЕННЫЙ СТАРЧЕ ПАВЛЕ, И МЫ НЫНЕ, ДУХОВНО ЛИКОВСТВУЮЩЕ, РАДОСТНО СЛАВИМ ТЯ И МОЛИМ: ПРЕДСТОЯ ПРЕСТОЛУ СВЯТЫЯ ТРОИЦЫ, НЕ ЗАБУДИ НАС НЕДОСТОЙНЫХ, ЯКОЖЕ ОБЕЩАЛСЯ ЕСИ, И МОЛИМСЯ ВСЕМ НАМ СПАСТИСЯ.

Кондак, глас 4:

В ЗАПОВЕДЯХ БОДРСТВОВАЛ ЕСИ ВЛАДЫЧНИХ, НИЩИМ РАСТОЧИВЫЙ ТВОЕ БОГАТСТВО, БЛАЖЕННЕ, БЕЗУМИЕМ МНИМЫМ БЕЗУМИЕ МИРА ОБЛИЧИВШИ, ТЕМЖЕ НАСЛЕДУЕШИ БОЖЕСТВЕННОЕ НАСЛАЖДЕНИЕ.

Кондак, глас 8:

ОТ НЕБЕСНАГО ВРАЧА ДАР ИСЦЕЛЕНИЙ ПРИИМ, РАЗРЕШАЕШИ БОЛЕЗНИ НАШИ ТЕЛЕСНЫЯ И ДУШЕВНЫЯ. БОЖЕСТВЕННЫЯ БЛАГОДАТИ СТОЛПЕ ОТ ЗЕМЛИ ДО НЕБА ЯВИЛСЯ ЕСИ, О БЛАЖЕННЕ ПАВЛЕ, МОЛИ ХРИСТА БОГА СПАСТИ ГРАД И ЛЮДИ, ТЕБЕ ПОЧИТАЮЩИЯ.

Величание:

УБЛАЖАЕМ ТЯ, СВЯТЫЙ БЛАЖЕННЫЙ ОТЧЕ ПАВЛЕ, И ЧТИМ СВЯТУЮ ПАМЯТЬ ТВОЮ, ТЫ БО МОЛИШИ ЗА НАС ХРИСТА БОГА НАШЕГО.

А К А Ф И С Т

Святому Блаженному Павлу Таганрогскому

Кондак 1

ИЗБРАННЫЙ УГОДНИЧЕ ХРИСТОВ, ЕГОЖЕ РАДИ ЮРОДСТВО НА СЕБЕ ВОСПРИЯВЫЙ И ТАКО В МИРУ ПОЖИВЫЙ, МИРА СУЕТНЫЯ ОКОВЫ ОТВЕРГНУВЫЙ, СВЯТЫЙ БЛАЖЕННЫЙ СТАРЧЕ ПАВЛЕ, ПОХВАЛЬНОЕ ПРИНОСИМ ТИ ПЕНИЕ, ЯКО МНОЖЕСТВО ЧАД ДУХОВНЫХ МОЛИТВАМИ И ДЕЛАМИ БЛАГОЧЕСТИЯ НА ТЕСНЫЙ ПУТЬ СПАСЕНИЯ НАСТАВИЛ ЕСИ, ТЫ ЖЕ, ЯКО ИМЕЯЙ ДЕРЗНОВЕНИЕ КО ГОСПОДУ, МОЛИ ИЗБАВИТИСЯ НАМ ВСЯКИЕ ЯЗВЫ ДУШЕВНЫЯ И ТЕЛЕСНЫЯ, ЛЮБОВИЮ ЗОВУЩИМ ТИ:

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Икос 1

АНГЕЛОМ НА ЗЕМЛИ УПОДОБИТИСЯ ВОЗЖЕЛАВЫЙ, ОТ ЮНОСТИ СВОЕЯ БОГАТСТВА И КРАСОТЫ МИРА СЕГО ОТВРАТИВЫЙСЯ, ОТЧЕ БЛАЖЕННЫЙ, МИЛОСТЫНИ РАДИ ИМЕНИЕ РОДИТЕЛЬСКОЕ РАСТОЧИВЫЙ, ИСТИННОЕ СОКРОВИЩЕ НА НЕБЕСЕХ СТЯЖАЛ ЕСИ. МЫ ЖЕ, ТАКОВОМУ ТВО-ЕМУ БЛАГОРАЗУМИЮ ДИВЯЩЕСЯ, С РАДОСТИЮ ГЛАГОЛЕМ ТИ СИЦЕВАЯ:

РАДУЙСЯ, КОРЕНИ БЛАГОРОДНАГО ОТРАСЛЕ ПРЕЧЕСТНАЯ,

РАДУЙСЯ, СОНАСЛЕДНИЧЕ ЦАРСТВИЯ НЕБЕСНАГО.

РАДУЙСЯ КЛАСЕ ОБИЛЬНЫЙ, ИЗ ЗЕМЛИ ЧЕРНИГОВСКИЯ ПРОЗЯБШИЙ,

РАДУЙСЯ, СВЕТИЛЬНИЧЕ ВЕРЫ, В ГРАДЕ ТАГАНРОГЕ ПРОСИЯВШИЙ.

РАДУЙСЯ, НИЩЕЛЮБИЯ И МИЛОСЕРДИЯ РЕВНИТЕЛЮ,

РАДУЙСЯ, ЛЮБОСТЯЖАНИЯ И СКВЕРНАГО ПРИБЫТКА ОБЛИЧИТЕЛЮ.

РАДУЙСЯ, КРИНЕ ЦЕЛОМУДРИЯ БЛАГОУХАННАЯ,

РАДУЙСЯ, МОЛИТВО КО ТВОРЦУ НЕПРЕСТАННАЯ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 2

ВИДЯ ТЯГУ ТАКОВУЮ К БОГОУГОДНОМУ ЖИТИЮ, РОДИТЕЛЬ ТВОЙ, ПРОМЫСЛУ БОЖИЮ ВНЯВ, ВСЕ ПОПЕЧЕНИЕ О ТЕБЕ НА ГОСПОДА ВОЗЛОЖИВ, ОТПУСТИ ТЯ НА ПУТЬ СТРАНИЧЕСТВА, БЛАГОСЛОВЛЯЯ. ТЫ ЖЕ, ЛЮБОВИЮ БОЖИЕЙ ДВИЖИМЫЙ, УСТРЕМИЛ ЕСИ СТОПЫ СВОИ ПО СВЯТЫМ МЕСТОМ, ЗАПОВЕДИ БЛАЖЕНСТВ ЕВАНГЕЛЬСКИХ РЕВНОСТНО ИСПОЛНЯЯ, ВЕРНО СЛУЖИЛ ЕСИ БОГУ, ВЫНУ ВЗЫВАЯ: АЛЛИЛУИЯ!

Икос 2

РАЗУМОМ КО ЕДИНОМУ ВСЕЯ ТВАРИ ТВОРЦУ НЕПРЕСТАННО ВОЗНОСЯСЯ, ЦАРСТВИЯ БОЖИЯ ПРИСНО ВЗЫСКУЯ, ПАВЛЕ БЛАЖЕННЕ, ОСТАВИЛ ЕСИ ДОМ ОТЧИЙ, ПРИШЕД В ПРИДЕЛЫ ПРИДОНСКИЯ, ЖЕЛАЯ В ТЯЖЦЕМ ПОДВИЗЕ ЮРОДСТВА ХРИСТУ ПОРАБОТАТИ, ВО МНИМОЕ БЕЗУМИЕ ОБЛЕКЛСЯ ЕСИ. МЫ ЖЕ, ГРЕШНИИ, СИЯ ВЕДУЩЕ, ТОЛИКОЕ ТВОЕ РВЕНИЕ ПО БОЗЕ УБЛАЖАЮЩЕ, ВЗЫВАЕМ ТИ:

РАДУЙСЯ, ИЗМЛАДА СТРАХ БОЖИЙ В СЕБЕ НОСИВЫЙ,

РАДУЙСЯ, ВЕЛИЕ УСЕРДИЕ К СЛУЖБЕ ЦЕРКОВНЕЙ ПРОЯВИВЫЙ.

РАДУЙСЯ, СЛАДКАЯ ГРОЗДЕ ВИНОГРАДА ДУХОВНАГО,

РАДУЙСЯ, ОТГНАТЕЛЮ ВСЯКАГО ПОМЫСЛА ГРЕХОВНАГО.

РАДУЙСЯ, ДВОРЯНСКИЯ ЧИНЫ И ЗВАНИЯ НИ ВО ЧТО ЖЕ ВМЕНИВЫЙ,

РАДУЙСЯ, СТРАННИЧЕСКОЕ ЖИТИЕ ВОЗЛЮБИВЫЙ.

РАДУЙСЯ, СУЕТНАГО БОГАТСТВА МИРА СЕГО ОТВРАТИВЫЙСЯ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 3

СИЛОЮ БЛАГОДАТНОЮ СВЫШЕ УКРЕПЛЯЕМЫЙ, ДНИ И НОЩИ, В ТРЕЗВЕНИИ И МОЛИТВЕ ПРОВОЖДАШЕ, СВЯТЧЕ БОЖИЙ, НА ВСЯК ЧАС НЕ ДАВАЛ ЕСИ СНА ОЧИМА СВОИМА И ПОКОЯ СКРАНИАМА СВОИМА И ВЕЖДОМА СВОИМА ДРЕМАНИЯ, ЯКОЖЕ И АНГЕЛЫ ИЗУМЛЕНИ БЯХУ МЫШЦЕЮ БЛАГОЧЕСТИЯ ТВОЕГО, ВОСПЕВАЯ БОГУ: АЛЛИЛУИЯ!

Икос 3

ИМЕЯ СЕБЕ ЛЮБЕЗНОЮ МАТЕРИЮ ЦЕРКОВЬ ПРАВОСЛАВНУЮ, ПАВЛЕ БЛАЖЕННЕ, ЯКО ЗАБОТЛИВОЕ ЧАДО, ЗАПОВЕДИ БОЖИИ ОПАСНО ИСПОЛНЯЛ ЕСИ, СВЯТЫХ ТАИНСТВ ПОЧАСТУ ПРИОБЩАЛСЯ ЕСИ, И ТАКО, В ДОБРОДЕТЕЛИ ОТ СИЛЫ В СИЛУ ВОЗРАСТАЯ, ВОИСТИНУ СОДЕЛАЛСЯ ЕСИ ПРИЧАСТНИК СЛАВЫ БОЖИЕЙ, ЕМУЖЕ С ЛИКИ УГОДНИКОВ НЫНЕ ПРЕДСТОИШИ. МЫ ЖЕ, ТАКОВАГО БОГОУГОДНАГО ЖИТИЯ ТВОЕГО НЕ МОГУЩЕ ПРЕМОЛЧАТИ, СО УМИЛЕНИЕМ ГЛАГОЛЕМ ТИ ТАКО:

РАДУЙСЯ, ДАР ПРОЗОРЛИВОСТИ ОТ ХРИСТА БОГА ВОСПРИЯВЫЙ,

РАДУЙСЯ, БЛАГОДАТИЮ ДУХА СВЯТАГО ЛИКОМ ПРОСИЯВЫЙ.

РАДУЙСЯ, ПЕРСТЕ, ВОЛЮ БОЖИЮ НАМ, В НЕВЕДЕНИИ СУЩИМ, УКАЗУЮЩИЙ,

РАДУЙСЯ, БАЛЬЗАМЕ, НАШИ ЯЗВЫ ДУШЕВНЫЯ ИЗРЯДНО ВРАЧУЮЩИЙ.

РАДУЙСЯ, ПРОСВЕЩАЮЩАЯ СУМРАК СВЕТОЛУЧНАЯ ЗАРНИЦЕ,

РАДУЙСЯ, ВЕСЕЛЯЩАЯ СЕРДЦЕ СЛАДКОЗВУЧНАЯ ЦЕВНИЦЕ.

РАДУЙСЯ, ПРАВИЛО ПОСТА И ПОКЯНИЯ НЕПРЕКЛОННОЕ,

РАДУЙСЯ, КАДИЛО МОЛИТВЫ К БОГУ БЛАГОВОННОЕ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 4

БУРЯ И ТРУС ВЕЛИЙ БЫСТА В МОРЕ, ЯКОЖЕ И КОРАБЛЮ ЗАЛИВАТИСЯ ВОЛНАМИ, ТОГДА СТРАХ И УЖАС НАПАДЕ НА ПОКЛОННИКОВ ИЕРУСАЛИМСКИХ, ПЛАВАЮЩИХ ЛЮТЕ, ИМЖЕ ГИБЕЛЬ ПРЕДСТОЯЩЕ ВСКОРЕ В ПУЧИНЕ, АЩЕ БЫ НЕ КРЕПКОЕ УПОВАНИЕ ИХ НА БЛАГОДАТНУЮ ПОМОЩЬ ТВОЮ, БЛАЖЕННЕ ПАВЛЕ. ТЫ ЖЕ, ЯКО СКОРЫЙ ЗАСТУПНИК, НИМАЛО НЕ ЗАКОСНЕВ, В СВЕТЛОЗРАЧНЫХ ОДЕЖДАХ ЯВИЛСЯ ЕСИ, И АБИЕ ВОДЫ МОРСКИЯ УКРОТИЛ ЕСИ ИМЕНЕМ ИИСУСОВЫМ, ЕМУЖЕ ВЗЫВАТИ НАУЧИЛ ЕСИ СПАСЕННЫХ ТОБОЮ: АЛЛИЛУИЯ!

Икос 4

СЛЫШАЩЕ О БЕЗПРИКЛАДНЫХ ПОДВИЗЕХ ТВОИХ, ВСИ СТРАЖДУЩИИ И ОБИДИМИИ ПРИТЕКАХУ К ТЕБЕ, УГОДНИЧЕ ХРИСТОВ, УТЕШЕНИЯ ЧАЮЩЕ, ПОНЕЖЕ ВОИСТИНУ СВЕТЛЫМ ЧЕРТОГОМ ЦАРСКИМ ПОКАЗАСЯ ИМ ТЕСНАЯ И УБОГАЯ КЕЛИЯ ТВОЯ, ВСЕХ ВНУТРЬУДУ ВМЕЩАЮЩАЯ И ПРИЮТ ДАЮЩАЯ ВОСПЕВАЮЩИМ ТИ ТАКО:

РАДУЙСЯ, СТЕНАНИЯ НА ВЕСЕЛИЕ ПРЕЛОЖЕНИЕ,

РАДУЙСЯ, МАТЕРИНСКИХ СЛЕЗ ОСУШЕНИЕ.

РАДУЙСЯ, В ЖИТЕЙСКИХ ДЕЛЕХ ПОМОЖЕНИЕ,

РАДУЙСЯ, БЛУДНАГО РАЗЖЕНИЯ УГАШЕНИЕ.

РАДУЙСЯ, ВАР ДНЕВНОЙ ТЕРПЯЩИМ ОРОШЕНИЕ,

РАДУЙСЯ, ВСЕМ СКОРБЯЩИМ В ГОРЕ УТЕШЕНИЕ.

РАДУЙСЯ, СУЩИМ В БОЛЕЗНЕХ И ОБСТОЯНИЯХ СКОРОЕ ПОМОЖЕНИЕ,

РАДУЙСЯ, ГРАДА ТАГАНРОГА ПОХВАЛО И УКРАШЕНИЕ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кодак 5

БОГОЛЮБИВАЯ ДУША ТВОЯ ВОЗМУТИШЕСЯ ЗЕЛО, ЕГДА ВРАЖИИ КОРАБЛИ, КЕРЧЬ РАЗОРИША, В ПОНТ АЗОВСКИЙ ВТОРГШАСЯ, И ГИБЕЛЬЮ ЖИТЕЛЯМ ТАГАНРОГА УГРОЖАША. ТОГДА ТЫ, БЛАЖЕННЫЙ СТАРЧЕ, ЗА ОТЕЧЕСТВО НАШЕ ЗЕМНОЕ КРЕПКО БОЛЕЗНУЯ, О ДАРОВАНИИ ПОБЕДЫ ВОИНСТВУ РУССКОМУ НА СУПОСТАТЫ УСЕРДНО МОЛИЛСЯ ЕСИ, СОГРАЖДАН СВОИХ СТОЙКО ПОДВИЗАТИСЯ ЗА ВЕРУ, ЦАРЯ И ОТЕЧЕСТВО ПРИЗЫВАЯ, ДА ТИИ ЗРЯЩЕ ВО БРАНЕХ НЕСУМНЕНУЮ ПОМОЩЬ БОЖИЮ ОРУЖИЮ РУССКОМУ, С БЛАГОДАРНОСТИЮ ДЕРЗНОВЕННО ВОПИЮТ НЕБЕСНОМУ ЦАРЮ СЛАВЫ: АЛЛИЛУИЯ!

Икос 5

ВИДЯЩЕ ТЯ СОБОРНЫЙ ПРОТОИЕРЕЙ, МОЛЯЩЕГОСЯ ПОСРЕДЕ ХРАМА, В РИЗЫ АНГЕЛЬСКИЯ ОБЛАЧЕННА, И ЧУДЯХУСЯ, КАКО НА ТЕБЕ, ДИВНЫЙ СТАРЧЕ, ИСПОЛНИЛСЯ ЕСИ ГЛАГОЛ ХРИСТОВ: «ДОБРЫЙ РАБЕ, БЛАГИЙ И ВЕРНЫЙ, О МАЛЕ БЫЛ ЕСИ ВЕРЕН, НАД МНОГИМ ПОСТАВЛЮ ТЯ». СЕГО РАДИ ПРИИМИ УБО ОТ НАС НЕДОСТОЙНЫХ ПОХВАЛЫ СИЦЕВЫЯ:

РАДУЙСЯ, ОБЛИЧИТЕЛЮ НЕЧЕСТИЯ БЕЗЗЛОБНЫЙ,

РАДУЙСЯ, ДЕВСТВЕННИЧЕ АНГЕЛОПОДОБНЫЙ.

РАДУЙСЯ, ТЕРПЕНИЯ КРЕПКИЙ АДАМАНТЕ,

РАДУЙСЯ, НЕИСКУСОБРАЧИЯ ДРАГИЙ БРИЛЛИАНТЕ.

РАДУЙСЯ, НЕДУЖНЫМ И НЕМОЩНЫМ ПОСЕШЕНИЕ,

РАДУЙСЯ, ЯЗВ ДУШЕВНЫХ ЕЛЕЕМ РАДОВАНИЯ УМАЩЕНИЕ.

РАДУЙСЯ, СВЯЩЕННИКОВ БЛАГОГОВЕЙНЫХ ИЗУМЛЕНИЕ,

РАДУЙСЯ, АНГЕЛОВ НЕБЕСНЫХ УДИВЛЕНИЕ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 6

ПРОПОВЕДНИКОМ НЕСТЯЖАНИЯ ТЛЕННЫХ СОКРОВИЩ МИРА СЕГО ЯВИЛСЯ ЕСИ, ПАВЛЕ БЛАЖЕННЕ, ЯКО НЕ ТОЧИЮ МНОЗИ ОТ ПРОСТЫХ, НО И БОГАТИИ И ИМЕНИТИИ, ТРЕБУЮЩЕ ТВОИХ НАСТАВЛЕНИЙ, В ПОСЛУШАНИЕ ТЕБЕ ВДАЯХУ СЕБЯ СОВЕРШЕННО. ТЫ ЖЕ, ПО ТОРЖИЩАМ ИНОГДА ХОДЯ И ТАЙНЫЯ ПОМЫШЛЕНИЯ ТОРЖНИКОВ ВЕДАЯ, ЧЕЛОВЕЧЕСКИЯ ПОРОКИ ИЗОБЛИЧАЛ ЕСИ, ПРЕЖДЕРЕЧЕННОЕ ДАВИДОМ ЦАРЕМ ГЛАГОЛЮЩЕ: «БОГАТСТВО АЩЕ ТЕЧЕТ, НЕ ПРИЛАГАЙТЕ СЕРДЦА. ТЕМЖЕ И МЫ, О СЛОВЕСЕХ ПСАЛМОПЕВЦА ТОБОЮ НАУЩАЕМИИ, ВЫНУ ЗОВЕМ БОГУ: АЛЛИЛУИЯ!

Икос 6

ВОЗСИЯЛ ЕСИ, ЯКО МАЯК СВЕТОЛУЧНЫЙ, ПУТЬ КО СПАСЕНИЮ УКАЗУЮЩИЙ И К НЕБЕСНОМУ ПРИСТАНИЩУ ВЕРНО ПРИВОДЯЩИЙ ВСЕХ БЛУЖДАЮЩИХ ВО ТМЕ ПО МОРЮ ЖИТЕЙСКОМУ. МЫ ЖЕ, ВЕДАЯ, ЯКО ПО СЛОВЕСИ ГОСПОДНЮ ТЫ ВОИСТИНУ ЯВИЛСЯ ЕСИ ЛОВЦОМ ЧЕЛОВЕКОВ, СТАРЧЕ БЛАГИЙ, БЛАГОДАРСТВЕННОЕ ПЕНИЕ ПРИНОСИМ ЕСИ:

РАДУЙСЯ, ВОЛНЕНИЯ МОРСКИЯ УКРОЩАЮЩИЙ,

РАДУЙСЯ, МРЕЖИ РЫБАРСКИЕ НАПОЛНЯЮЩИЙ.

РАДУЙСЯ, ВЕТРАМ И СТИХИЯМ ПОВЕЛЕВАЮЩИЙ,

РАДУЙСЯ, БУРИ СТРАСТЕЙ УГАШАЮЩИЙ.

РАДУЙСЯ, ЛУЧЕ, МРАК ГРЕХОВНЫЙ ПРОСВЕЩАЮЩИЙ,

РАДУЙСЯ, КОРМЧИЙ, К БЛАГООТИШНОМУ БРЕГУ СУДА НАПРАВЛЯЮЩИЙ.

РАДУЙСЯ, ЯКО УТОПАЮЩИХ ОТ БЕЗДНЫ ИЗБАВЛЯЕШИ,

РАДУЙСЯ, ЯКО ЧЕЛОВЕКОВ ПРИЛЕЖНО УЛОВЛЯЕШИ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 7

ХОТЯЙ ЮНОША НИКОЛАЙ ПОУЧИТИСЯ ОТ ТЕБЕ В БЕСЕДЕ ДУХОВНОЙ, И ПОВЕДАЛ ЕСИ ТИ, КАКО ПО ТВОИМ, СТАРЧЕ, МОЛИТВАМ, ОТВЕРЗОСТАСЯ ЕМУ ОЧИ ДУХОВНИИ, ЕГДА ПРИСПЕ ВРЕМЯ СЛУЖБЕ ЦЕРКОВНОЙ, И АБИЕ, ВОЗЗРЕВ ОЧИМА, УВИДЕЛ ЕСИ АНГЕЛОВ НЕБЕСНЫХ ВО СВЯТЕМ АЛТАРЕ ЧИННО ПОРЯДУ СЛУЖАЩИХ, ИЕРЕИ ЖЕ НЕДОСТОЙНИИ, АКИ ПУТАМИ НЕКИМИ СВЯЗАНИ БЫША, И ТОЙ УЖАСЕСЯ ТАКОВАГО СТРАШНАГО ВИДЕНИЯ И ЗЕЛО СМУЩЕН БЫСТЬ. НО ТВОИМИ, ПАВЛЕ, СЛОВЕСЫ НАСТАВЛЯЕМЬ, ПОЗНАЛ ЕСИ, ЯКО НИ КОЗНИ ДИАВОЛЬСКИЯ, НИ СЛАБОСТИ ПАСТЫРЕЙ И ПАСТВЫ НЕ ВОЗМОГУТ ПОКОЛЕБАТИ СВЯТУЮ ЦЕРКОВЬ ПРАВОСЛАВНУЮ, ЯЖЕ ИМАТЬ БЫТИ ДО СКОНЧАНИЯ МИРА, БОГУ ЖЕ, ЧРЕЗ ТЕБЕ ЕГО ВРАЗУМИВШЕМУ, ВОСПЕЛ ЕСИ: АЛЛИЛУИЯ!

Икос 7

НОВОЕ СОЛНЦЕ ЗЕМЛИ РУССКИЯ НЕЗАКАТНОЕ, ПРАВЕДНЫЙ ПАСТЫРЬ И ЧУДОТВОРЕЦ КРОНШТАДТСКИЙ ИОАНН, ВЕДАЯ ТВОЕ БОГОУГОДНОЕ ЖИТИЕ, НЕ МОГУЩЕЕ, ЯКОЖЕ СВЕЩА НА СВЕЩНИКЕ, ОТ МИРА УТАИТИСЯ, НАРЕЧЕ ТЯ, ОТЧЕ БЛАЖЕННЕ, СТОЛПОМ, УТВЕРЖДЕННЫМ ОТ ЗЕМЛИ ДО НЕБА. МЫ ЖЕ, В ДОБРОДЕТЕЛИ УБОЗИИ И В МОЛИТВЕ НЕМОЩНИИ, ТОЛИКУЮ ТВОЮ БЛАГОУВЕТЛИВОСТЬ К ХУДОСТИ НАШЕЙ ЗРЯЩЕ, ВОИСТИНУ ТЯ СТОЛПОМ И ОПОРОЮ ИМАМЫ, ВЫНУ К ЗАСТУПЛЕНИЮ ТВОЕМУ ПРИБЕГАЯ, СИЦЕВОЕ ПЕНИЕ ПРИНОСИМ ТИ:

РАДУЙСЯ, ЯКО ТРОИЧЕСКОМУ ПОКЛОНЕНИЮ НАС НАСТАВЛЯЕШИ,

РАДУЙСЯ, ЯКО ДУШИ ВЕРНЫХ БЛАГОДАТИЮ ПИТАЕШИ.

РАДУЙСЯ, ЯКО ТРУДНИКОВ БОГОЛЮБИВЫХ ЩЕДРО УГОБЗАЕШИ,

РАДУЙСЯ, ЯКО ЛИХОИМЦЕВ, КОРЫСТИЮ ОДЕРЖИМЫХ ТЩИ ОТПУСКАЕШИ.

РАДУЙСЯ, ТЕМНЫХ СУЕВЕРИЙ И ПРЕДРАССУДКОВ ИСКОРЕНИТЕЛЮ, РАДУЙСЯ, БЕЗБОЖНЫХ И НЕЧЕСТИВЫХ УСТ ЗАГРАДИТЕЛЮ.

РАДУЙСЯ, ОБНОВЛЕНИЮ ПОКАЯНИЕМ ПЛАМЕННЫЙ ПРОПОВЕДНИЧЕ,

РАДУЙСЯ, ДОБРОМУ ПАСТЫРЮ КРОНШТАДТСКОМУ СОБЕСЕДНИЧЕ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 8

СТРАННИК И ПРИШЕЛЕЦ БЫЛ ЕСИ НА ЗЕМЛИ, НЕБЕСНАГО ГРАДА ПРИСНО ВЗЫСКУЯ, ЯКОВЫХ ЖЕ СКИТАЛЬЦЕВ ПРИЗРЕ ЩЕДРОДАТЕЛЬНАЯ ДЕСНИЦА ТВОЯ, ОБАЧЕ ПРОВИДЯ ВСЕ СТЕЗИ ИХ ПРОЗОРЛИВЫМ ОКОМ, МОЛИТВЫ ЗА СУЩИХ В ПУТИ И ДАЛЕЧЕ ВОЗНОСИЛ ЕСИ К БОГУ, И ТОЙ НА ВСЯКО ВРЕМЯ ПРОМЫШЛЯШЕ О НИХ. ТЕМЖЕ И МЫ, ПРОСЛАВЛЯЮЩЕ ТЯ, БОГУ ВОПИЕМ: АЛЛИЛУИЯ!

Икос 8

ВСЕМ БЫЛ ЕСИ ВСЯ, ПАВЛЕ БЛАЖЕННЕ, СЛОВОМ СПАСЕНИЯ ДАЛЬНИХ И БЛИЖНИХ НЕПРЕСТАННО НАЗИДАЯ; НЕМОЩИ И БОЛЕЗНИ ПРЕТРУДНАГО ТЕЛЕСИ СВОЕГО БЕЗРОПОТНО НЕСЯ, ДОСТИГЛ ЕСИ МАСТИТЫЯ СТАРОСТИ, И СЕ ПРИБЛИЖИСЯ ВРЕМЯ ТВОЕГО К БОГУ ОТШЕСТВИЯ, ОБАЧЕ НЕУТОМИМАГО ПОПЕЧЕНИЯ О ДУШАХ ЧЕЛОВЕЧЕСКИХ РАДИ ПРОСТРЕ ГОСПОДЬ СРОК ЖИВОТА ТВОЕГО И ПРОБАВИ ЕЩЕ ЛЕТ ПЯТЬНАДЕСЯТЬ. ТЫ ЖЕ, ЛЮБОВИЮ ВСЕХ ОБЪЕМЛЯ, ЧАД СВОИХ ДУХОВНЫХ НЕ ХОТЯЩЕ ОСИРОТИТИ, ПОТЩИЛСЯ ЕСИ ОСТАВИТИ ПО СЕБЕ БЛАЖЕННУЮ СТАРИЦУ МАРИЮ, ПРИСНУЮ СВОЮ КЕЛЕЙНИЦУ И УЧЕНИЦУ. ВЕДУЩЕ ТЯ ТАКО О СПАСЕНИИ ВСЕХ ПЕЧАЛЯЩАСЯ, СО УМИЛЕНИЕМ ВЗЫВАЕМ ТИ:

РАДУЙСЯ, ЦАРСТВИЕ НЕБЕСНОЕ НИЩЕТОЮ ДУХА СТЯЖАВШИЙ,

РАДУЙСЯ, ЯКО УТЕШЕН БЫСТЬ, ПРЕЖДЕ ЖЕ ПЛАКАВШИЙ И РЫДАВШИЙ.

РАДУЙСЯ, НАСЛЕДНИЧЕ, КРОТОСТИЮ ЗЕМЛЮ НОВУЮ НАСЛЕДИВЫЙ,

РАДУЙСЯ, ПРАВДОЛЮБЧЕ, АЛЧБОЮ И ЖАЖДОЮ ПРАВДЫ СЯ НАСЫТИВЫЙ.

РАДУЙСЯ, МИЛОСТИВЕ, ЯКО ОТ БОГА ПОМИЛОВАН ЕСИ,

РАДУЙСЯ, БОГОВИДЧЕ, ЯКО ЧИСТЫМ СЕРДЦЕМ БОГА УЗРЕЛ ЕСИ.

РАДУЙСЯ, СЫНОМ БОЖИИМ НАРЕЦЫЙСЯ, МИРОТВОРЧЕ ИЗВЕСТНЫЙ,

РАДУЙСЯ, ГНАННЫЙ ПРАВДЫ РАДИ, ЯКО ТАКОВЫХ ЕСТЬ ЦАРСТВО НЕБЕСНОЕ.

РАДУЙСЯ, ХРИСТА РАДИ ПОНОШЕНИЕ СНОСИВЫЙ, НЫНЕ ЖЕ УБЛАЖАЕМЫЙ ОТ ВСЕХ,

РАДУЙСЯ, БЛАЖЕННЕ, И ВЕСЕЛИСЯ, ЯКО МЗДА ТВОЯ МНОГА НА НЕБЕСЕХ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 9

ВСЯ СИЛЫ ТЕЛЕСНЫЯ ОСТАВИША СТРАННИЦУ ГЛИКЕРИЮ И ЖИЗНЬ ЕЯ УГАСЛА ЕСИ, ДУША ЖЕ, ОТ ЗЕМНЫХ УЗ РАЗРЕШИВШИСЯ, В ЧЕРТОЗЕХ НЕБЕСНЫХ ПРЕБЫВАЛА ЕСИ, СО УДИВЛЕНИЕМ СОЗЕРЦАЯ ТАМО ТЕБЕ, СТАРЧЕ СВЯТЫЙ, В БУДУЩЕЙ БЛАЖЕННОЙ ЖИЗНИ ВО СЛАВЕ ВЕЛИЕЙ ВЕСЕЛЯШАСЯ. ДЩЕРЬ ЖЕ ЕЯ ЛУКИЯ ТЕЛО К ПОГРЕБЕНИЮ УГОТОВАННОЕ СЛЕЗАМИ ОРОШАЛА ЕСИ, ЕГДА УМЕРШАЯ ПО ТВОИМ, ПАВЛЕ, МОЛИТВАМ КО ХРИСТУ, АБИЕ ОЖИВЕ И ВОСТА ЗДРАВА. МЫ ЖЕ, О ЧУДЕСИ СЕМ ДИВЯЩЕСЯ, КАКО ПО ТВОЕМУ ГЛАГОЛУ СЕНЬ СМЕРТНАЯ РАСТОЧАЕТСЯ И НАДГРОБНОЕ РЫДАНИЕ НА РАДОВАНИЕ ПРЕЛАГАЕТСЯ, БЛАГОДАРСТВЕННО ВОПИЕМ ЖИЗНОДАВЦУ ВСЕХ БОГУ: АЛЛИЛУИЯ!

Икос 9

ВИТИЙСТВО БУЕСЛОВОВ СУЕМУДРЕННЫХ, ЗАВИСТИЮ ИСКОННАГО ВРАГА СПАСЕНИЯ ОДЕРЖИМЫХ, ВО УМЕТЫ ВМЕНИЛ ЕСИ, ПАВЛЕ БЛАЖЕННЕ, ЯКО ЕДИНАГО ХРИСТА ПРИОБРЕЛ ЕСИ СЕБЕ ЗАСТУПНИКА И ОПРАВДИТЕЛЯ; МЫ ЖЕ, ПОМИНАЮЩЕ КРОТОСТЬ ТВОЮ И НЕЗЛОБИЕ, ВЕРЫ ИСПОЛНЕННОЕ, УБЛАЖАЕМ ТЯ, ГЛАГОЛЮЩЕ ТАКО:

РАДУЙСЯ, ЗЛАТО, ДОБЛЕ ПРОШЕДШЕЕ ГОРНИЛО СМИРЕНИЯ,

РАДУЙСЯ, СРЕБРО, ЖАРОМ КЛЕВЕТ ВОСПРИЯВШЕЕ ОЧИЩЕНИЕ.

РАДУЙСЯ, ВОДУ ПОНОШЕНИЯ УСЕРДНО ИСПИВШИЙ,

РАДУЙСЯ, ВРАГОВ СВОИХ ТЕПЛЕ ВОЗЛЮБИВШИЙ.

РАДУЙСЯ, В УКОРЕНИЯХ – БЛАГОСЛОВЕНИЕ,

РАДУЙСЯ, В ГОНЕНИЯХ – ТЕРПЕНИЕ.

РАДУЙСЯ, В ПОХУЛЕНИЯХ УТЕШЕНИЕ,

РАДУЙСЯ, В ЗЛОСЛОВИЯХ – РАДОВАНИЕ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 10

НЕМОЩИЮ ТЕЛЕСНОЮ И ПОДВИГАМИ ЖИТИЯ УТРУЖДЕННЫЙ, ХОТЯ ДУШУ СВОЮ КО ОТШЕСТВИЮ ОТ МИРА СЕГО УГОТОВАТИ, ПРИЗВАЛ ЕСИ ДУХОВНИКА СВОЕГО ИЕРОМОНАХА ДАМИАНА И, ВОЗЗРЕВШИ НАНЬ, ПРЕДРЕКЛ ЕСИ ЕМУ ВЕЛИЧИЕ И СЛАВУ, ПОНЕЖЕ НЕ СУЩАЯ ЯКО СУЩАЯ ПРОВИДЕЛ ЕСИ ТЫ ПО ДАРУ ДУХА СВЯТАГО, ПАВЛЕ БЛАЖЕННЕ; ОН ЖЕ, РЕЧЕННОЕ ТОБОЮ В СЕРДЦЕ СВОЕМ СЛАГАЯ, НЕПЩЕВАШЕ РАЗУМЕТИ О СЛОВЕСЕХ ТВОИХ. ДЕВЯТОМУ УБО НАДЕСЯТЬ ЛЕТУ МИНУВШУ, ВОСШЕДШУ ЖЕ ЕМУ НА СЛУЖЕНИЕ ПАТРИАРШЕЕ ВО СВЯТОМ ГРАДЕ ИЕРУСАЛИМЕ, ВО ИСПОЛНЕНИЕ ПРОРОЧЕСКАГО ГЛАСА ТВОЕГО, И ТОЙ, ВЕЛЬМИ ВОЗРАДОВАСЯ О ИСПОЛНЕНИИ ТАКОВАГО СЛАВНАГО НАЗНАМЕНОВАНИЯ, БЛАГОДАРСТВЕННАЯ ВОЗОПИЛ ЕСТЬ БОГУ: АЛЛИЛУИЯ!

Икос 10

СТЕНЫ КАМЕННИИ НЕ ВОЗМОГОХУ УКРЫТИ ОСТРОЖНИКОВ, В УЗИЛИЩАХ ВЧИНЕННЫХ, ОТ ТВОЕЙ, МИЛОСТИВНЫЙ СТАРЧЕ, ЛЮБОВЕ И ПОПЕЧЕНИЯ. МЫ ЖЕ, УДИВЛЯЯСЯ ТАКОВОМУ ТВОЕМУ РАЧЕНИЮ О СУЩИХ В ТЕСНОТЕ И ЛИШЕНИЯХ, СРЕТАЕМ ТЯ ПРИВЕТСТВИИ СИМИ:

РАДУЙСЯ, В ЗАКОНОПРЕСТУПНЫХ ДУШАХ СТРАХ БОЖИЙ ПРОБУДИВЫЙ,

РАДУЙСЯ, СТРАЖЕЙ ТЕМНИЧНЫХ МИЛОСЕРДИЮ К ПАДШИМ НАУЧИВЫЙ.

РАДУЙСЯ, О УГНЕТЕННЫХ СЛЕЗНЫЙ ПЕЧАЛЬНИЧЕ,

РАДУЙСЯ, О ПЛЕНЕННЫХ ТЕПЛЫЙ МОЛИТВЕННИЧЕ.

РАДУЙСЯ, МАННО, УХЛЕБЛЯЯЙ АЛЧУЩИХ,

РАДУЙСЯ, ИСТОЧНИЧЕ, НАПОЯВАЯЙ ЖАЖДУЩИХ.

РАДУЙСЯ, УЗНИКОВ К РАСКАЯНИЮ ВО ГРЕСЕХ СТУДНЫХ ОБРАЩАЯЙ,

РАДУЙСЯ, НЕПОСТЫДНЫЯ КОНЧИНЫ И ПОГРЕБЕНИЯ УСОПШИХ СПОДОБЛЯЯЙ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 11

ЛЕПО ЕСТЬ ПЕТИ ТИХОЕ ПРЕСЕЛЕНИЕ ТВОЕ ОТ ЗЕМНЫХ К НЕБЕСНЫМ, СТАРЧЕ СВЯТЫЙ, ЯКО НЕ ТОЧИЮ В ЖИТИИ, НО И ВО УСПЕНИИ СВОЕМ ДИВНЫМИ ЗНАМЕНАМИ ПРОСИЯЛ ЕСИ. ПРИЛУЧИ ЖЕ СЯ В ТУЮЖДЕ НОЩЬ ПРОТОИЕРЕЮ ВАСИЛИЮ ВИДЕТИ ДУШУ ТВОЮ СВЕТЛЫМИ АНГЕЛЫ НА НЕБО ВЛЕКОМУ, И АБИЕ, ОТ СНА ВОЗБНУВ, ИСПОЛНИСЯ СТРАХА И ТРЕПЕТА, НАРОДИ ЖЕ ТАГАНРОГСТИИ, СЛАВНОЕ ОТШЕСТВИЕ ТВОЕ И ЧУДЕСА ТУ БЫВАЮЩИЯ СЛЫШАЩЕ, И НЕ МОГУЩИ ПРОТОРГНУТИСЯ КО ГРОБУ ТВОЕМУ, НА ПОГОСТ НЕСОМОМУ, МНОГАГО СКОПЛЕНИЯ ЛЮДСКАГО РАДИ, ОВИИ НА ЗАБРАЛА И НА КРОВЫ ПОЛАТНЫЯ ВОЗЛЕЗАХУ, ОВИИ ДАЛЕЧЕ НАПЕРЕД ЗАБЕГАХУ И НА ВЫСОКИЯ ДРЕВЕСА ЛЕПЯХУСЯ, ДА ВСЯКО ВОЗМОГУТ ОТТУДУ НА ГРОБ ТВОЙ ВЗИРАТИ, ОВИИ ЖЕ В ПЕРСИ СЕБЯ УДАРЯХУ, СИРОТСТВО СВОЕ ОПЛАКИВАЯ; И РЫДАНИЯ ПРЕРЫВАХУ УМИЛЕННУЮ ПЕСНЬ ИХ К БОГУ: АЛЛИЛУИЯ!

Икос 11

СВЕТОПРИЕМНОЮ СВЕЩЕЮ В НОЩИ БЕЗБОЖИЯ ВОЗСИЯЛА ЕСТЬ НАМ УБОГАЯ МОГИЛКА ТВОЯ, СТАРЧЕ БЛАЖЕННЫЙ, ЕГДА ЗЕМЛЯ НАША, ЮЖЕ ВИДЕЛ ЕСИ ТЫ БЛАГУ И ЦВЕТУЩУ, СОТВОРИШЕСЯ ВСЯ ЗАПУСТЕННА И КРОВЬМИ СВЯТЫХ НАПОЕННА; ЦЕРКОВЬ РУССКАЯ СЕТУЮЩА И БУЙНЫМИ МЯТЕЖЫ И РАСПРЯМИ РАЗДИРАЕМА, ХРАМЫ БОЖИИ РАЗРУШЕННЫ И ОСКВЕРНЕННЫ; И ЕГДА ПЛАЧЬ НАШ ПАЧЕ ВИФЛЕЕМСКАГО ПЛАЧА ПРЕВЗОШЕЛ ЕСИ: ТАМО БО ТОКМО ЕДИНИ МЛАДЕНЦЫ ПОБИВАЕМЫ БЫВАХУ, ЗДЕ ЖЕ НИ СТАРИИ, НИ МАЛИИ, НИ БОГАТИИ, НИ УБОЗИИ НЕ ПОЩАДЕНИ БЫСТЬ; И ТОГДА ТЫ, ПАВЛЕ ДОСТОЧУДНЕ, СКОРОЕ ЗАСТУПЛЕНИЕ ПОДАВАЛ ЕСИ ВСЕМ КО ГРОБУ ТВОЕМУ ПРИТЕКАЮЩИМ И В МОЛИТВАХ ТЯ ПРИЗЫВАЮЩИМ, СЛЫШАЩИ ОТ ВСЕХ ТАКОВАЯ:

РАДУЙСЯ, ЯКО ИУДЕОМ СОБЛАЗН, БЕЗБОЖНЫМ ЖЕ БЕЗУМИЕ ГРОБ ТВОЙ ЯВИСЯ,

РАДУЙСЯ, ЯКО ЧУДЕСЫ И ЩЕДРОТАМИ ТВОИМИ МИР ОЗАРИСЯ.

РАДУЙСЯ, ЯКО НОВЫХ МУЧЕНИКОВ КРОВИЮ МОГИЛА ТВОЯ ОКРОПИСЯ,

РАДУЙСЯ, ЯКО С ТЕЛЕСЫ ТЕХ ВКУПЕ НОВАЯ СЛАВА В НЮ ВСЕЛИСЯ.

РАДУЙСЯ, ЯКО ДО КОНЦЕВ ЗЕМЛИ РУССКИЯ СЛАВА ТВОЯ ДОСТИЖЕ,

РАДУЙСЯ, ЯКО БЛАГОДАТНЫМ ПОМОЖЕНИЕМ НЕ ЗАКОСНЯЕШИ НИКОЛИЖЕ.

РАДУЙСЯ, ПРЕД ОБРАЗОМ БОЖИИМ ЛАМПАДО НЕУГАСИМАЯ,

РАДУЙСЯ, ЯКО ВСЕМ НЕОСКУДНО ПОДАЕШИ ПРОСИМОЕ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 12

БОЖЕСТВЕННАЯ БЛАГОДАТЬ ЯВИСЯ НА ТЕБЕ, ПАВЛЕ БЛАЖЕННЕ, И НЕИЗРЕЧЕННОЕ ЧУДО ДИВНО ПОКАЗАСЯ, ЕГДА БО ПРИНЕСЕНИЕ СВЯТЫХ МОЩЕЙ ТВОИХ СОВЕРШАШЕСЯ, ТОГДА ВСИ ЛЮДИЕ С ТРЕПЕТОМ УЗРЕША, КАКО СВЕТИЛО СОЛНЕЧНОЕ КРАСУЯСЯ, К ВЫСОТЕ НЕБЕСНЕЙ ВОЗШЕДШИ, ВЗЫГРАШЕ, КРУГАМИ РАДУЖНЫМИ АКИ ВЕНЦЕМ НЕКИМ ОКРУЖЕННО, ЛУЧАМИ РАДОСТНО ИСПУЩАЮЩЕ И ВСЮДУ СВЕТЯЩЕСЯ, ПОКАЗУЯ СИМ ЧУДОМ, КАКО ПРОСЛАВЛЯЕТ БОГ ЛЮБЯЩИЯ ЕГО. ДА ВСИ, ЗРЯЩЕ СИЕ, КО СВЯТЕЙ РАЦЕ ТВОЕЙ УСЕРДНО ПРИТЕКАЮЩЕ И ИСЦЕЛЕНИЕ В НЕДУЗЕХ ПРИЕМЛЮЩЕ, С БЛАГОДАРНОСТИЮ ВОСПЕВАЮТ ХВАЛЕБНУЮ ПЕСНЬ ТОБОЮ БЛАГОТВОРЯЩЕМУ ВСЕМ НЕБЕСНОМУ ЦАРЮ СЛАВЫ: АЛЛИЛУИЯ!

Икос 12

ПОЮЩЕ ДИВНЫЯ ПОДВИГИ ТВОЯ, ЗЕМНЫЙ АНГЕЛЕ И НЕБЕСНЫЙ ЧЕЛОВЕЧЕ, ВОИСТИНУ НЕДОУМЕНИЕМ КОЛЕБЛЕМЫ ЕСМЫ, КИМИ ГЛАСЫ УБЛАЖИТИ ТЯ, ИЛИ КИМИ ГЛАГОЛЫ ПОХВАЛИТИ ТЯ, ПАВЛЕ ДОСТОЧУДНЕ, ИСПОВЕДНИКУ ПАВЛУ ТЕЗОИМЕНИТЕ, ЯКО ЦЕЛОМУ СОНМУ УГОДНИКОВ ПРЕСЛОВУЩИХ УПОДОБИЛСЯ ЕСИ. СЕ БО ЯЗЫК СВЯЗУЕТСЯ, ГОРТАНЬ ПРЕМОЛКАЕТ И КРЕПОСТЬ НАША ИЗНЕМОГАЕТ, КАКО ИЗРЕЩИ ДОБРОТЫ ТВОЯ, ПОНЕЖЕ ЧУДЕСА ТВОЯ УМНОЖИШАСЯ ПАЧЕ ЗВЕЗД НЕБЕСНЫХ. МЫ ЖЕ НЕДОСТОЙНИИ, СО ВСЯЧЕСКИМ УСЕРДИЕМ ПОЧТИТИ ТЯ МНЯЩЕ МАЛЫМИ СЛОВЕСЫ СИЦЕВЫМИ, ОБАЧЕ И МНОГО ИМЕНИТСТВО СТЯЖАЛ ЕСИ, ЯКО МНОГИМИ БЛАГОДАТЬМИ ОБОГАТИЛСЯ ЕСИ, ТАКО НАРЕЩИ ТЯ ДЕРЗАЕМ:

РАДУЙСЯ, НОВЫЙ ЕНОШЕ, ДОБРЫМ ЖИТИЕМ ГОСПОДЕВИ УГОДИВШИЙ,

РАДУЙСЯ, НОЕ, УБОГОЕ ЖИЛИЩЕ СВОЕ КОВЧЕГОМ СПАСЕНИЯ УЧИНИВШИЙ.

РАДУЙСЯ, АВРААМЕ, ГОСТЕПРИИМСТВОМ КО БЛИЖНИМ СВЯТЕЙ ТРОИЦЕ ПОСЛУЖИВШИЙ,

РАДУЙСЯ, ПРЕКРАСНЫЙ ИОСИФЕ, ЦЕЛОМУДРИЕМ НЕ ЗЕМНОЙ, НО НЕБЕСНЫЙ ВЕНЕЦ ПОЛУЧИВШИЙ.

РАДУЙСЯ, ЛАЗАРЮ, НА ЛОНЕ ПРАОТЕЧНЕМ ДОСТОЙНО ВОЗЛЕГШИЙ,

РАДУЙСЯ, ПРЕМУДРЕ, ВКУПЕ С МУДРЫМИ ДЕВАМИ В ЧЕРТОГ БРАЧНЫЙ ВОСШЕДШИЙ.

РАДУЙСЯ, НОВЫЙ НИКОЛАЕ, ЯКО СТИХИИ УКРОЩАЕШИ И ОБУРЕВАЕМЫЯ СОБЛЮДАЕШИ,

РАДУЙСЯ, ПАНТЕЛЕИМОНЕ, ЯКО СТРУПЫ ДУШЕВНЫЯ И ТЕЛЕСНЫЯ ИСЦЕЛЯЕШИ.

РАДУЙСЯ, МИЛОСТИВЫЙ СПИРИДОНЕ, ЯКО НЕ ОСКУДЕВАЕТ ЩЕДРОДАТЕЛЬНАЯ ДЕСНИЦА ТВОЯ,

РАДУЙСЯ, СТРАННОПРИИМНИЧЕ САМПСОНЕ, ЯКО НЕ ЗАПУСТЕВАЕТ УБОГАЯ КЕЛИЯ ТВОЯ.

РАДУЙСЯ ДОБРЫЙ САМАРЯНИНЕ, ЯКО МИЛОСЕРДИЕ К УБОГИМ ПРОЯВЛЯЕШИ,

РАДУЙСЯ, АВЕЛЮ ТАЙНОВИДЧЕ, ЯКО ПРОРОЧЕСТВЫ СВОИМИ СУДЬБЫ ПРЕДВАРЯЕШИ.

РАДУЙСЯ, ПРЕПОДОБНЕ, ЯКО ЧЕСТНА ПРЕД ГОСПОДЕМ СМЕРТЬ ПРЕПОДОБНЫХ ЕГО,

РАДУЙСЯ, ЧУДОТВОРЧЕ, ЯКО ПРЕИЗОБИЛУЮТ ЧУДЕСА ОТ ГРОБА ТВОЕГО.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 13

О ПРЕДИВНЫЙ УГОДНИЧЕ ХРИСТОВ И ПРЕСЛАВНЫЙ ЧУДОТВОРЧЕ, СВЯТЫЙ БЛАЖЕННЫЙ СТАРЧЕ ПАВЛЕ! ПРИИМИ СИЕ МАЛОЕ МОЛЕНИЕ НАШЕ, В ПОХВАЛУ ТЕБЕ НЫНЕ ПРИНОСИМОЕ, И ПРИЗРИ МИЛОСТИВНО С ВЫСОТЫ НЕБЕСНЫЯ СЛАВЫ ТВОЕЯ НА НАС НЕДОСТОЙНЫХ, К РАЦЕ ЦЕЛЬБОНОСНЫХ МОЩЕЙ ТВОИХ СО УМИЛЕНИЕМ ПРИПАДАЮЩИХ И ОТ НЕДУГОВ ДУШЕВНЫХ И ТЕЛЕСНЫХ ИСЦЕЛЕНИЯ ЧАЮЩИХ, И НЕ ОСТАВИ НАС ПОПЕЧЕНИЕМ ТВОИМ ДО КОНЦА, ЯКОЖЕ ОБЕЩАЛСЯ ЕСИ, НО ИСПРОСИ У ВЛАДЫКИ И СПАСА НАШЕГО СПАСЕНИЯ ДУШАМ НАШИМ, ДА СПОДОБИМСЯ С ТОБОЮ И СО ВСЕМИ СВЯТЫМИ ВЕЧНО В РАДОСТИ БЛАЖЕННЕЙ ВОСПЕВАТИ БОГУ: АЛЛИЛУИЯ, АЛЛИЛУИЯ, АЛЛИЛУИЯ!

(этот кондак читается трижды)

Икос 1

АНГЕЛОМ НА ЗЕМЛИ УПОДОБИТИСЯ ВОЗЖЕЛАВЫЙ, ОТ ЮНОСТИ СВОЕЯ БОГАТСТВА И КРАСОТЫ МИРА СЕГО ОТВРАТИВЫЙСЯ, ОТЧЕ БЛАЖЕННЫЙ, МИЛОСТЫНИ РАДИ ИМЕНИЕ РОДИТЕЛЬСКОЕ РАСТОЧИВЫЙ, ИСТИННОЕ СОКРОВИЩЕ НА НЕБЕСЕХ СТЯЖАЛ ЕСИ. МЫ ЖЕ, ТАКОВОМУ ТВО-ЕМУ БЛАГОРАЗУМИЮ ДИВЯЩЕСЯ, С РАДОСТИЮ ГЛАГОЛЕМ ТИ СИЦЕВАЯ:

РАДУЙСЯ, КОРЕНИ БЛАГОРОДНАГО ОТРАСЛЕ ПРЕЧЕСТНАЯ,

РАДУЙСЯ, СОНАСЛЕДНИЧЕ ЦАРСТВИЯ НЕБЕСНАГО.

РАДУЙСЯ КЛАСЕ ОБИЛЬНЫЙ, ИЗ ЗЕМЛИ ЧЕРНИГОВСКИЯ ПРОЗЯБШИЙ,

РАДУЙСЯ, СВЕТИЛЬНИЧЕ ВЕРЫ, В ГРАДЕ ТАГАНРОГЕ ПРОСИЯВШИЙ.

РАДУЙСЯ, НИЩЕЛЮБИЯ И МИЛОСЕРДИЯ РЕВНИТЕЛЮ,

РАДУЙСЯ, ЛЮБОСТЯЖАНИЯ И СКВЕРНАГО ПРИБЫТКА ОБЛИЧИТЕЛЮ.

РАДУЙСЯ, КРИНЕ ЦЕЛОМУДРИЯ БЛАГОУХАННАЯ,

РАДУЙСЯ, МОЛИТВО КО ТВОРЦУ НЕПРЕСТАННАЯ.

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Кондак 1

ИЗБРАННЫЙ УГОДНИЧЕ ХРИСТОВ, ЕГОЖЕ РАДИ ЮРОДСТВО НА СЕБЕ ВОСПРИЯВЫЙ И ТАКО В МИРУ ПОЖИВЫЙ, МИРА СУЕТНЫЯ ОКОВЫ ОТВЕРГНУВЫЙ, СВЯТЫЙ БЛАЖЕННЫЙ СТАРЧЕ ПАВЛЕ, ПОХВАЛЬНОЕ ПРИНОСИМ ТИ ПЕНИЕ, ЯКО МНОЖЕСТВО ЧАД ДУХОВНЫХ МОЛИТВАМИ И ДЕЛАМИ БЛАГОЧЕСТИЯ НА ТЕСНЫЙ ПУТЬ СПАСЕНИЯ НАСТАВИЛ ЕСИ, ТЫ ЖЕ, ЯКО ИМЕЯЙ ДЕРЗНОВЕНИЕ КО ГОСПОДУ, МОЛИ ИЗБАВИТИСЯ НАМ ВСЯКИЕ ЯЗВЫ ДУШЕВНЫЯ И ТЕЛЕСНЫЯ, ЛЮБОВИЮ ЗОВУЩИМ ТИ:

РАДУЙСЯ, СТАРЧЕ ПАВЛЕ БЛАЖЕННЫЙ, ТАГАНРОГСКИЙ ЧУДОТВОРЧЕ!

Молитвы

Святому Блаженному Павлу Таганрогскому

О СВЯТЫЙ УГОДНИЧЕ БОЖИЙ ПАВЛЕ! ОТ ГОРНИХ ВЫСОТ, ИДЕЖЕ ТЫ НЫНЕ СО АНГЕЛЫ ВО СЛАВЕ ТОРЖЕСТВУЕШИ, ПРИЗРИ НА НЫ, ГРЕШНЫЯ И НЕДОСТОЙНЫЯ ЧАДА ТВОЯ, ЗДЕ НЫНЕ ЧЕСТНУЮ ПАМЯТЬ ТВОЮ ТВОРЯЩИЯ И ЗАСТУПЛЕНИЯ ТВОЕГО ЧАЮЩИЯ. УСЛЫШИ СЛЕЗНЫЯ МОЛЕНИЯ НАША С ВЕРОЮ И ЛЮБОВИЮ ТЕБЕ ПРИНОСИМЫЕ, И ПОМОЗИ НАМ ЗАПОВЕДИ БОЖИИ ОПАСНО СОБЛЮДАТИ, ПЛАЧ О ГРЕСЕХ НАШИХ НЕПРЕСТАННО ПРИНОСИТИ И ЛЮБЫ НЕЛИЦЕМЕРНУЮ ВСЕГДА ИМЕТИ. ЕЙ, СТАРЧЕ НАШ ПАВЛЕ! НЕ ОТВЕРЖИСЯ ОБЕЩАНИЯ СВОЕГО. ТЫ БО ВО ДНИ ЗЕМНАГО ЖИВОТА ТВОЕГО РЕКЛ ЕСИ, ЯКО И ПО СМЕРТИ ТВОЕЯ НЕ ОСТАВИШИ НИКОГДАЖЕ БЛАГОДАТНЫМ ЗАСТУПЛЕНИЕМ ВСЕХ С ВЕРОЮ ТЕБЕ НА ПОМОЩЬ ПРИЗЫВАЮЩИХ. МЫ ЖЕ, ЧАДА ТВОЯ, МОЛИМ ТЯ И ПРОСИМ, СТАРЧЕ СВЯТЫЙ: НЕДУЗИ НАША ИСЦЕЛИ, ОТ ВРАГ ВИДИМЫХ И НЕВИДИМЫХ ПОКРЫЙ, ОТ ВСЯКАГО ЗЛАГО ОБСТОЯНИЯ ИЗБАВИ, ОТ НАПАСТИ СОХРАНИ, И ГРЕХОВ НАШИХ ПРОЩЕНИЯ У ГОСПОДА ИСПРОСИ, ДА И МЫ ПОКАЯНИЕМ УНАСЛЕДУЕМ ЦАРСТВО НЕБЕСНОЕ, И С ТОБОЮ ВКУПЕ, И СО ВСЕМИ СВЯТЫМИ ПРОСЛАВИМ БОГА В ТРОИЦЕ ПОКЛОНЯЕМОГО, ОТЦА И СЫНА И СВЯТАГО ДУХА, НЫНЕ И ПРИСНО И ВО ВЕКИ ВЕКОВ, АМИНЬ.

Молитва другая

О ВЕЛИКИЙ УГОДНИЧЕ БОЖИЙ И ЧУДОТВОРЧЕ, СВЯТЫЙ БЛАЖЕННЫЙ ПАВЛЕ! ТЫ, НА ВЫСОТУ ДОБРОДЕТЕЛЕЙ ВОСШЕД, ЯКО ПРЕСВЕТЛАЯ ЗВЕЗДА ЖИТИЕМ ТВОИМ ВОЗСИЯЛ ЕСИ, И СТРАННИЧЕСКОЕ ЖИТЕЛЬСТВО ИЗБРАВ, МИРА СЕГО КРАСНАЯ НИ ВО ЧТОЖЕ ВМЕНИЛ ЕСИ. ТЕМЖЕ ВСЕПРАВЕДНЫЙ СУДИЯ МНОГИМИ ЧУДЕСЫ ТЯ ПРОСЛАВИ. ДУШУ ЖЕ ТВОЮ СВЯТУЮ В НЕБЕСНЫЯ ОБИТЕЛИ ВСЕЛИ, ИДЕЖЕ ЛЮБВЕ БОЖИЕЙ НАСЛАЖДАЯСЯ, И НАШИ НУЖДЫ ЗРИШИ, ПРОШЕНИЯ СЛЫШИШИ. БУДИ НАМ В НЕДУЗЕХ ЦЕЛИТЕЛЬ, ПО МОРЮ ПЛАВАЮЩИМ КОРМЧИЙ И УТОПАЮЩИМ БЛАГОНАДЕЖНОЕ ИЗБАВЛЕНИЕ. МОЛИМ ТЯ, ПАВЛЕ БЛАЖЕННЕ: ИСПРОСИ ВСЕМ, ВО ВСЯКОЙ НУЖДЕ СУЩИМ И КО ТВОЕМУ ЗАСТУПЛЕНИЮ ПРИБЕГАЮЩИМ, ВСЯКИЙ ДАР КОЕМУЖДО БЛАГОПОТРЕБЕН: ВЕРЫ И ЛЮБВЕ ПРЕСПЕЯНИЕ, БЛАГОЧЕСТИЯ УМНОЖЕНИЕ, МИРА УТВЕРЖДЕНИЕ, БОЛЬНЫМ ИСЦЕЛЕНИЕ, ПЕЧАЛЬНЫМ УТЕШЕНИЕ, БЕДСТВУЮЩИМ ПОМОЩЬ, ОБИДИМЫМ ЗАЩИЩЕНИЕ. И СПОДОБИ НЫ, УГОДНИЧЕ БОЖИЙ, МОЛИТВАМИ ТВОИМИ БЛАГОЧЕСТНО ЖИТИЕ ЗЕМНОЕ СКОНЧАТИ, НЕБЕСНОЕ ЦАРСТВИЕ И ЖИВОТ ВЕЧНЫЙ УНАСЛЕДИТИ, СО СВЯТЫМИ, В БЕЗКОНЕЧНЫЯ ВЕКИ ВЕКОВ. АМИНЬ.

Молитва третья

О ПРЕБЛАЖЕННЕ УГОДНИЧЕ ХРИСТОВ ПАВЛЕ, ЮЖНЫХ ПРЕДЕЛОВ СТРАНЫ НАШЕЯ ПРЕД ГОСПОДЕМ ЗАСТУПНИЧЕ! ТЫ ЕЩЕ ВО ПЛОТИ СЫЙ, КРАСНАЯ МИРА СЕГО ХРИСТА РАДИ НИ ВО ЧТОЖЕ ВМЕНИЛ ЕСИ, И НА ПУТЬ СПАСЕНИЯ ЛЮДИ СЛОВЕСЫ И ДЕЯНЬМИ НАСТАВЛЯЛ ЕСИ. БЫЛ БО ВСЕМ ПРИХОДЯЩИМ К ТЕБЕ СКОРЫЙ ПОМОЩНИК И МОЛИТВЕННИК. И НЫНЕ В ВЫШНИХ СВЯТЕЙ ТРОИЦЕ ПРЕДСТОЯ, ИМАШИ СУГУБОЕ ДЕРЗНОВЕНИЕ КО ВЛАДЫЦЕ, ОСВЯТИ БО ТЯ ГОСПОДЬ ВЫШНИЙ ЯКО СВОЕГО УГОДНИКА. БЛАЖЕН ЕСТЬ ВОИСТИНУ ГРАД И МЕСТО, НА НЕМЖЕ ПОЛОЖЕНО БЫСТЬ ЧЕСТНОЕ ТЕЛО ТВОЕ. СЕГО РАДИ МОЛИМСЯ ТЕБЕ: БУДИ И НАМ ПОМОЩНИК И ЗАСТУПНИК, ИЗБАВЛЯЙ НАС ОТ ВРАГ ВИДИМЫХ И НЕВИДИМЫХ, ТАКОЖДЕ И ВСЕХ, НЕ ТОКМО ЗДЕ ВО ГРАДЕ ТАГАНРОГЕ, НО И ВСЮДУ ПРИЗЫВАЮЩИ ИМЯ ТВОЕ СВЯТОЕ. ПРИЗРИ, ПРЕБЛАЖЕННЕ ПАВЛЕ, НА НАС МНОГОГРЕШНЫХ, НЫНЕ ТВОРЯЩИХ ПАМЯТЬ ТВОЮ, И МИЛОСТИВ БУДИ НАМ, С ВЕРОЮ ПРИТЕКАЮЩИМ К МНОГОЦЕЛЕБНЫМ МОЩЕМ ТВОИМ, ЯКО ДА СПАСЕНИ БУДЕМ ТВОИМИ МОЛИТВАМИ, И НЕПРЕСТАННО СЛАВИМ ПРЕСВЯТУЮ ТРОИЦУ, ОТЦА И СЫНА И СВЯТАГО ДУХА, НЫНЕ И ПРИСНО И ВО ВЕКИ ВЕКОВ, АМИНЬ.

ОБЩЕЕ ДЛЯ ВСЕХ КАНОНОВ И АКАФИСТОВ ОКОНЧАНИЕ:

Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу, и ныне и присно и во веки веков. Аминь.

Господи, помилуй; Господи, помилуй; Господи, помилуй.

Молитвами святых отец наших, Господи Иисусе Христе Боже наш, помилуй нас. Аминь.

Боже, очисти мя грешнаго и помилуй мя (поклон).

Создавый мя, Господи, помилуй мя (поклон).

Конец и Богу слава!

Без числа согреших, Господи, прости мя (поклон).

Кресту Твоему поклоняемся, Владыко, и Святое Воскресение Твое славим (поклон).

С О В Р Е М Е Н Н Ы Й С Т А Р Е Ц О Р О С С И И И М И Р Е

«Приблизились последние дни Запада, его богатства, его разврата. Внезапно постигнут его бедствия и пагуба. Богатство его неправедное, злое, угнетает весь мир, и разврат его как разврат нового и худшего Содома.

Наука и техника его - безумие нового, второго Вавилона. Гордость его - гордость богоотступническая, сатанинская. Все дела его - на потребу антихриста. Им овладело «сборище сатанинское» (Откр. 2, 9 и 3, 9). Если не остановить его, оно преждевременно воцарит антихриста. Наступило предреченное «уны-ние и недоумение народов» (Лк. 21, 25).

Всё доброе на Земле измучено и изнемогает, молитвы страдальцев Божиих поднялись к Престолу Вседержителя.^ Гнев Божий огненный на Запад, на Вавилон его. И вот, пришёл час Суда над ним, как предсказан (Откр. 14, 7). И Вавилон уже пал в духе пред Престолом Божиим от гнева Его. Пал, пал Вавилон! Великая, конечная блудница! Яростным вином разврата своего она напоила все народы! (Откр. 14, 18; 17, 2; 18, 2).

«Выйди от неё, народ Мой!» (Откр. 18, 4) - Церковь Божия, Православная. Скоро раздастся с неба: воздайте этой великой блуднице, развратнице сатанинской, как и она творила нам, и вдвойне воздайте ей по делам её (Откр. 18, 6). И будет сожжена огнём гнева Божия, ибо силен Господь Бог, судящий её (Откр. 18, 8). Горе сынам и дочерям Запада и Вавилона его! Горе возлюбившим Вавилон Запада и роскошь его (Откр. 18, 3), и высоту его на краю Запада, небоскрёбы его! Горе надеющимся на Вавилон, мыслившим овладеть миром посредством его! В один час придёт Суд на него. погибель его - только дым от него будет до неба! Надеявшиеся на Запад, отдавшие душу ему, останутся безо всего!

^ А вы восклоните головы ваши и возрадуйтесь, страдальцы Божии, и все добрые, смиренные, терпевшие зло в упование на Бога! Возрадуйся, Народ Православный, многострадальный, Оплот Востока Божиего, страдавший по Воле Божией за весь мир, - и весь мир обязан тебе! И потому к тебе более всех относится ныне это сказанное Господом: «Не бойся, малое стадо! Ибо Отец Ваш благоволил дать вам Царство» (Лк. 12, 32).

И тебе, ради Избранных в тебе, даст Бог Силу на исполнение великого и конечного Обетования Сына Своего Единородного Возлюбленного о последней проповеди Евангелия Его в мире перед концом мира, во свидетельство всем народам (Мф. 24, 14), читающий да разумеет! Всё это приблизилось и стоит при дверях! Глас вопиющего ныне в мире: «Убойтесь Бога и воздайте Славу Ему!» (Откр. 14, 7). Заповедь Господа всем благоверным: «Бодрствуйте на всякое время и молитесь, да сподобитесь избежать всех сих будущих бедствий и предстать пред Сына Человеческого» (Лк. 21, 36). К этому относится предсказание великого Апостола языков:

«Когда будут говорить «мир и безопасно-сть», тогда внезапно постигнет их пагуба, подобно как мука родами постигает имеющую во чреве, и не избегнут!» (1 Фес. 5, 3, подлинный др. - эллинский текст 6-10 слов: «пагуба» без артикля, т.е. неопределённая, зачатая в душах людей и развивающаяся как беременность, т.е. эти подлежащие погибели люди, сами зачали в себе свою погибель, а высшие силы только осуществляют её как жатву - Откр. 14, 15-16). Надменность и злорадство Запада о бедствиях в России обратятся сейчас ещё большим гневом Божиим на Запад.

После «перестройки» в России начнётся «перестройка» на Западе. Там откроется невиданный раздор и междоусобица, смута, падение властей, развал и анархия, моры, голод, людоедство и невиданные ужасы накопленного в душах зла и разврата. Господь даст им жать то, что сеяли много веков и чем угнетали и развращали весь мир. И поднимется на них всё злодейство их. Россия выдержала своё искушение, ибо имела в себе мученическую Веру и Милость Бога и Избрание Его. А Запад этого не имеет и потому не выдержит. И будет тогда по слову Пророка:

«Не радуйся ради меня, неприятельница моя! Хотя я и упал, но встану; хотя я во мраке, но Господь - Свет для меня! Гнев Господень я буду нести, потому что согрешил перед Ним, доколе Он не решит дела моего и не совершит Суда надо мной, - тогда Он выведет меня на свет, и я увижу Правду Его! И увидит это неприятельница моя, и стыд покроет её, говорившую мне: «Где Сущий, Бог твой?» Насмотрятся на неё глаза мои, как она будет попираема подобно грязи на улицах…

^ И земля та будет пустыней за вину жителей её, за плоды (последствия) деяний их (Михей 7, 8-13). Так будет с Западом.

«Итак, не оставляйте упования вашего, которому предстоит великое воздаяние! Терпение нужно вам, чтобы, исполнив Волю Божию, получить Обещанное. Ибо ещё немного, очень немного, и Грядущий придёт, не умедлит! Праведный Верой жив будет. А если кто поколеблется, не благоволит тому Душа Моя, говорит Господь. Мы же не из колеблющихся на погибель, но стоим в Вере ко Спасению души» (Евр. 10, 35-39). Осанна в Вышних – Спасение в Вышних! Благословен Грядущий во Имя Господне! Россия ждёт Бога!

Русскому Народу нужен только Вождь, Пастырь, Царь, избранный от Бога, и он пойдёт с ним на любой народный подвиг! Только Помазанник Божий даст высшее и сильнейшее единение всему Русскому народу».

«Россия перед Вторым Пришествием», 2002 г., с. 63-65.


Б Л А Г А Я В Е С Т Ь Газета монархической общественности

Адрес для писем: 347909, Ростовская обл.,

г. Таганрог, ул. Шаумяна, 23, кв. 22. Тел: 89034620687.

Создатели газеты: Творческий коллектив верующих Таганрогского благочиния Ростовской на Дону Епархии Русской Православной Церкви Р е д а к т о р г а з е т ы: В л а д и м и р В о р о б ь ё в.

До регистрации по действующим законам Российской Федерации выпускает-ся ограниченным тиражом (до 1000 экз.) на правах информационного листка.

Просим наших читателей газету в хозяйственных и иных неподобающих целях не использовать; прочитав – передавайте её верующим.


Похожие:

Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconРасписание занятий зимней экзаменационной сессии студентов гоу впо...
Студентов гоу впо «Российский государственный гидрометеорологический университет» в г. Ростове-на-Дону
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconПервая электростанция мощностью 10 кВт, построенная в Саранске в...
Ардатовской, Инсарской, Краснослободской, Темниковской электростанций. В 1924 году открыта рузаевская районная электростанция «Смычка»,...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconРостовский государственный строительный университет
Учебная геологическая практика: Методические указания для всех строительных специальностей. Ростов-на-Дону гос строит ун-т, 2008.–...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconОтчет о деятельности муниципального общеобразовательного учреждения...
Школа №37 образована в 1936 году; в 2002 году учреждение получило статус лицея, который был подтвержден в 2007 году в ходе государственной...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconДоклад «Словесная живопись в рассказах М. А. Шолохова»
Дону. В 1763, т е. 245 лет назад, впервые официально упоминается крепость святого Дмитрия Ростовского, положившая начало славной...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconВозлюбленые о Господе честные отцы, пастыри, боголюбивые иноки и...
Приспе время, духовных подвигов начало, на демоны победа, всеоружное воздержание, ангельское благолепие, к Богу дерзновение… Господи,...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconРуководство проведением соревнований организатором первенства является Клуб «Юный десантник»
Турнир проводится 13 апреля 2002 г в спортивном зале главного корпуса Дворца. Взвешивание и регистрация участников в 11 часов, начало...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconЧасовни, церкви и монастыри на Дону от начала их появления до конца XIX века
Вот как можно представить себе в кратких чертах историю учреждения на Дону самостоятельной епископии
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconИлларионов дмитрий Николаевич один из наиболее талантливых современных...
России Александра Камилловича Фраучи. В 2001-2002 учебном году некоторое время занимался у Никиты Арнольдовича Кошкина. В 2002 году...
Святому Блаженному Павлу Таганрогскому (составлен в Ростове на Дону в 2002 году) общее для всех канонов и акафистов начало iconНачало работы с программой autocad 2002 Вопросы: Назначение Autocad...
Чертежей. При этом Autocad обеспечивает максимальную точность выполнения чертежей и экономит время за счет автоматизации многих рутинных...
Вы можете разместить ссылку на наш сайт:
Школьные материалы


При копировании материала укажите ссылку © 2019
контакты
pochit.ru
Главная страница